Gildi er leiðandi fjárfestir á íslenskum markaði og leggur áherslu á fagleg vinnubrögð og víðtæka upplýsingagjöf. Sjóðurinn lítur meðal annars til umhverfismála, félagslegra málefna og stjórnarhátta í fjárfestingum.
Í ársskýrslum Gildis eru veittar ítarlegar upplýsingar um stöðu, ávöxtun og starfsemi sjóðsins. Skýrslurnar eru gefnar út árlega í aðdraganda ársfundar.
Eignasafni Gildis er stýrt í samræmi við fjárfestingarstefnu sjóðsins hverju sinni, með það að markmiði að ná fram ákjósanlegri áhættudreifingu og ávöxtun til langs tíma. Áherslur Gildis sem leiðandi fjárfestis á íslenskum markaði eru m.a. aðgengilegar í hluthafastefnu sjóðsins og stefnu um ábyrgar fjárfestingar. Sjóðurinn rekur fjórar fjárfestingarleiðir, eina fyrir samtryggingardeild og þrjár innan séreignardeilda.
Samtryggingardeild
Hrein eign samtryggingardeildar nam 1.116,5 milljörðum í árslok 2024. Hrein nafnávöxtun á árinu 2024 nam 11,8% sem þýddi 6,7% raunávöxtun.
Fjárhagsleg áhætta sem tengist sjálfbærni er mismikil eftir fjárfestingarkostum og hefur mismikið vægi. Fjárhagsleg áhætta tengd sjálfbærni er hluti af mati á fjárfestingarkostum en kemur þó ekki í veg fyrir að Gildi fjárfesti þar sem áhætta vegna sjálfbærni er til staðar.