Ekkert tillit til neikvæðra áhrifa af fjárfestingarákvörðunum á sjálfbærniþætti

Gildi-lífeyrissjóður tekur ekki tillit til neikvæðra áhrifa fjárfestingarákvarðana á sjálfbærniþætti í skilningi reglugerðar Evrópuþingsins og ráðsins (ESB) 2019/2088, um upplýsingagjöf tengda sjálfbærni á sviði fjármálaþjónustu (SFDR), sem hefur lagagildi hér á landi. Sjóðurinn telur að svo stöddu ekki tilefni til að taka tillit til neikvæðra áhrifa fjárfestingarákvarðana á sjálfbærniþætti í skilningi framangreindrar reglugerðar. Nánar má fræðast um áherslur sjóðsins hvað varðar áhættur tengdar sjálfbærniþáttum og stjórnarháttum í stefnu um sjálfbærar og ábyrgar fjárfestingar, fjárfestingarstefnu og hluthafastefnu sjóðsins sem aðgengilegar eru á heimasíðu hans.

Samtryggingardeild, Eign - 70/30, Eign - 50/50, Eign - 20/80 og Eign - erlend (kafli 1.3. í fjárfestingarstefnu)

Áhættur tengdar sjálfbærni geta verið vegna umhverfis, félagslegra eða stjórnunarlegra þátta sem, ef þær raungerast, geta mögulega haft verulega neikvæð áhrif á virði eigna lífeyrissjóðsins. Lífeyrissjóðurinn hefur sett sér ýmsar stefnur til að stýra áhættum tengdum sjálfbærni, s.s. stefnu um sjálfbærar og ábyrgar fjárfestingar, fjárfestingarstefnu og hluthafastefnu. Fjárhagslegar áhættur tengdar sjálfbærni eru mismunandi milli fjárfestingarkosta og hafa þær mismikið vægi eftir þeim fjárfestingarkostum sem til skoðunar eru hverju sinni líkt og farið er nánar yfir í stefnu um sjálfbærar og ábyrgar fjárfestingar og kafla 1.3. í fjárfestingarstefnu sjóðsins. Þó að fjárhagslegar áhættur tengdar sjálfbærni séu þannig hluti af mati á fjárfestingarkosti hverju sinni þá koma slíkar áhættur ekki í veg fyrir að lífeyrissjóðurinn fjárfesti í fjárfestingarkosti þar sem áhætta vegna sjálfbærni er til staðar.

Eign - verðtryggð

Ekki er horft til áhættu sem tengdar eru sjálfbærni við fjárfestingarákvarðanir í Eign - verðtryggð þar sem deildin fjárfestir eingöngu í verðtryggðum innlánum samkvæmt fjárfestingarstefnu.