Lögbundin
iðgjöld

Samkvæmt lögum er launafólki skylt að eiga aðild að lífeyrissjóði sinnar starfsstéttar. Á almennum markaði skal leggja fyrir að lágmarki 12% af heildarlaunum, fyrir skatt. Launþegi leggur til 4% og vinnuveitandi að lágmarki 8%, en mótframlagið ræðst af kjarasamningum. 

Helstu upplýsingar

Launagreiðandi ber ábyrgð á að iðgjöld skili sér til hlutaðeigandi sjóðs; 4% frá launþega og 8% eða meira eftir atvikum frá launagreiðanda. Alls 12% að lágmarki af heildarlaunum hvers og eins.

Til að tryggja rétt skil þarf viðkomandi að bera saman launaseðla sína og greiðsluyfirlit frá lífeyrissjóðnum. Verði einhver misbrestur á geta lífeyrisréttindi glatast. Greiðslur í lífeyrissjóð hefjast í næsta mánuði eftir 16 ára afmæli og lýkur í þeim mánuði sem 70 árin eru fyllt.

  • Stéttarfélagsgjöld

    Samhliða innheimtu lífeyrisiðgjalda sér Gildi um að innheimta stéttarfélagsgjöld fyrir þrjú félög.

    Atvinnurekendum sem tengjast kjarasamningum neðangreindra félaga á almenna vinnumarkaðnum ber að greiða félagsgjöld af launum starfsmanna sinna og iðgjöld til sjúkra-, orlofs- og fræðslusjóða viðkomandi stéttarfélags, samhliða greiðslu í lífeyrissjóð.

    FélagNúmer félagsFélagsgj.Sjúkrasj.Orlofssj.Fræðslusj.
    Efling – stéttarfélag1120,7%1%0,25%0,30%
    Verkalýðsfélagið Hlíf1151,0%1%0,25%0,30%
    Félag hársnyrtisveina4670,9%1%0,25%0,50%

    Nánari upplýsingar um mótframlag atvinnurekenda vegna kjarasamninga sem Efling á aðild að getur að líta á vef stéttarfélagsins.

  • Aukið mótframlag vinnuveitanda
  • Endurhæfingarsjóður

    Öllum launagreiðendum, þar með taldir sjálfstæðir atvinnurekendur og þeir sem standa utan stéttarfélaga, ber lögum samkvæmt að greiða 0,10% af heildarlaunum starfsmanna í VIRK starfsendurhæfingarsjóð. Standa ber skil á iðgjaldinu til þess lífeyrissjóðs sem lífeyrissjóðsiðgjaldið er greitt til.

    SjóðurNúmer sjóðsGjald
    VIRK starfsendurhæfingarsjóðurR2000,10%
  • Séreign

    Launþegar sem ganga frá samningi um séreignarsparnað og láta draga af launum sínum 2-4% eiga rétt á 2% mótframlagi frá launagreiðanda samkvæmt flestum kjarasamningum.

  • Bankakröfur

    Þegar skilagrein er send inn á rafrænan hátt er hægt að láta kröfu myndast í banka um leið og skilagreinin er send til sjóðsins.

    Bankakröfurnar myndast eingöngu samkvæmt innsendum skilagreinum. Þegar skilagreinin hefur verið yfirfarin af sjóðnum getur komið í ljós misræmi á milli innsendrar skilagreinar og yfirfarinnar skilagreinar. Það myndast ekki ný krafa í netbanka vegna þess.

    Ef iðgjöldin eru greidd eftir eindaga reiknast dráttarvextir en það myndast ekki krafa vegna þeirra í netbanka.

    Kröfur eru í netbanka þar til daginn eftir eindaga en þó aldrei skemur en 10 daga eftir stofnun.

    Launagreiðandi ber ábyrgð á greiðslu iðgjalda til sjóðsins, einnig þó að krafa myndist ekki eða falli niður í netbanka.

    Ef eldri iðgjöld eru í vanskilum þá gildir eftirfarandi:

    1. Séu vanskil á eldri iðgjöldum, sem ekki hafa verið send til löginnheimtu, er greiðslu á bankakröfu ráðstafað inn á eldri iðgjöld. Fyrst til greiðslu áfallins kostnaðar og dráttarvaxta og síðan inn á höfuðstól eins og til fellur.
    2. Séu vanskil á eldri iðgjöldum sem send hafa verið til löginnheimtu þegar bankakrafa er greidd, er greiðslu ráðstafað inn á eldri vanskil svo sem greinir í 1. tölulið séu slík vanskil til staðar, en annars inn á iðgjöld samkvæmt viðkomandi bankakröfu/skilagrein. Gildi-lífeyrissjóði er þó ávallt heimilt að ráðstafa greiðslunni til lækkunar á kröfu sem sætir löginnheimtu, sbr. nánar gr. 9.10. í samþykktum Gildis-lífeyrissjóðs.

Skilagreinar og greiðsluupplýsingar

Launagreiðendum er skylt að senda Gildi skilagreinar um lífeyrisiðgjöld starfsmanna. Þá þarf launagreiðandi eða sjálfstæður atvinnurekandi að tilkynna ef honum ber ekki lengur að standa skil á lífeyrisiðgjaldi, þar sem starfsemi hefur verið hætt eða launþegi látið af störfum.

Gildi lífeyrissjóðurL200
Séreignarsjóður GildisX201
Bankareikningur0526-26-999
Kennitala Gildis561195-2779
Gjalddagi iðgjalda10. dagur næsta mánaðar
Eindagi iðgjaldaSíðasti virki mánaðardagur eftir gjalddaga
Rafræn skil á iðgjöldum

Gildi-líf­eyr­is­sjóð­ur legg­ur áherslu á að ið­gjöld­um sé skil­að á ra­f­ræn­an hátt bæði til ör­ygg­is og ein­föld­un­ar. Frá næstu ára­mót­um er ætl­un­in að öll slík skil verði ra­f­ræn hjá sjóðn­um og því ósk­ar Gildi eft­ir að launa­greið­end­ur til­einki sér þau í tíma.

Hægt er að senda inn skilagrein­ar beint úr launa­kerf­um eða skrá inn skilagrein­ar á launa­greið­enda­vef á heima­síðu sjóðs­ins. Við vilj­um benda launa­greið­end­um á að í hand­bók­um launa­kerfa eiga að vera greina­góð­ar upp­lýs­ing­ar um upp­setn­ingu á send­ingu ra­f­rænna skilagreina. Einnig veita flest hug­bún­að­ar­fyr­ir­tæki að­stoð ef þörf er á vegna slíkra send­inga úr launa­kerf­um.

Launa­greið­end­ur verða að hafa veflyk­il til að geta sent skilagrein­ar ra­f­rænt. Hægt er að sækja um hann í gegn­um launa­greið­enda­vef­inn.

Bókarar geta sent inn skilagreinar fyrir alla viðskiptavini sína á sama veflyklinum. Nánari upplýsingar veita starfsmenn iðgjaldadeildar Gildis. Vinsamlega hafið samband í síma 515 4700 eða sendið tölvupóst á netfangið gildi@gildi.is.

  • Ávinningur launagreiðenda af rafrænum skilagreinum
    • Sparar bæði fé og tíma þar sem ekki þarf að senda skilagreinar í pósti eða á faxi.
    • Aukið öryggi því ekki þarf að skrá aftur þær upplýsingar sem koma frá launakerfinu.
    • Einfaldari og fljótlegri umsýsla því rafræn krafa sem hægt er að greiða í gegnum hvaða heimabanka sem er, myndast í bankanum um leið og skilagrein er send til sjóðsins.
Aðildarfélög Gildis

Tíu stéttarfélög eiga aðild að Gildi. Öllum atvinnurekendum með rekstur í þeim starfsgreinum sem stéttarfélögin tíu hafa gert kjarasamning um, er skylt að greiða lífeyrisiðgjöld starfsmanna sinna til samtryggingar Gildis. Ásamt stéttarfélögunum tíu eiga Samtök atvinnulífsins aðild að Gildi.

Iðgjöldin eru greidd í þeim hlutföllum sem viðkomandi kjarasamningur greinir. Aðild að Gildi er þannig skyldubundin og óheimilt að greiða í samtryggingarsjóði annarra lífeyrissjóða.