Fjárfestingarleiðir
Þegar þú byrjar að safna viðbótarlífeyrissparnaði eða velur tilgreinda séreign þarftu að ákveða hvernig sparnaðurinn er ávaxtaður. Hjá Gildi er hægt að velja á milli þriggja fjárfestingarleiða allt eftir því hversu mikla áhættu þú vilt taka.
Framtíðarsýn 1
Mest áhætta, hæstu ávöxtunarvæntingar
Hér er stefnt að hærri ávöxtun til lengri tíma, en á móti geta sveiflur í ávöxtun verið meiri. Um 65% sparnaðarins fer í skuldabréf og 35% í hlutabréf.
Þessi leið hentar helst yngra fólki og þeim sem ætla að spara í langan tíma, til dæmis í áratugi.
Framtíðarsýn 2
Miðlungsáhætta, hóflegar ávöxtunarvæntingar
Leiðin býður upp á jafnvægi á milli öryggis og ávöxtunar. Um 80% sparnaðarins er í skuldabréfum og innlánum en 20% í hlutabréfum.
Leiðin hentar þeim sem vilja takmarka áhættu og forðast miklar sveiflur.
Framtíðarsýn 3
Minnst áhætta, lægri ávöxtunarvæntingar
Hér er sparnaðurinn allur ávaxtaður í verðtryggðum innlánum. Ávöxtunin er stöðug en yfirleitt lægri en í hinum leiðunum þegar litið er til lengri tíma.
Þessi leið hentar þeim sem vilja forðast áhættu. Hún hentar einnig þeim sem eru að hefja úttekt eða eru þegar farin að taka út sparnaðinn.
