31. maí 2018
Lækkun á breytilegum vöxtum
Stjórn Gildis-lífeyrissjóðs hefur ákveðið að lækka breytilega vexti á verðtryggðum sjóðfélagalánum og tekur breytingin gildi 5. júní. Breytilegir vextir á grunnlánum, sem námu áður 3,05%, lækka í 2,85%. Breytilegir vextir á viðbótarlánum verða eftir breytinguna 3,6% en þeir námu áður 3,8%
Aðrir vextir haldast óbreyttir.
Vaxtakjör á lánum hjá Gildi verða eftir breytinguna sem hér segir:
| Tegund láns | Grunnlán (allt að 65% veðhlutfall) | Viðbótarlán (65-75% veðhlutfall) |
|---|---|---|
| Verðtryggt (fastir vextir) | 3,55% | 4,30% |
| Verðtryggt (breytilegir vextir) | 2,85% | 3,60% |
| Óverðtryggt (breytilegir vextir) | 5,55% | 6,30% |
Kjör sjóðfélagalána hjá Gildi-lífeyrissjóði eru áfram með þeim hagstæðustu sem bjóðast á íbúðalánamarkaði.