Stjórn Gildis hefur ákveðið að setja 60 milljón króna hámark á þá upphæð sem sjóðurinn lánar í sjóðfélagalán en ekkert hámark var á lánsfjárhæð áður. Þetta þýðir að standist sjóðfélagar skilyrði geta þeir fengið allt að 60 milljón króna grunnlán eða samtals 60 milljón króna grunn- og viðbótarlán. Breytingin hefur þegar tekið gildi.
Stjórn hefur einnig ákveðið að lækka vexti á óverðtryggðum sjóðfélagalánum um 10 punkta. Óverðtryggðir vextir á grunnlánum voru áður 5,2% en lækka í 5,1%. Óverðtryggðir vextir á viðbótarlánum voru 5,95% en lækka í 5,85%. Breytingin tekur gildi 5. janúar 2020.