See information in English below.
Gildi ber nú að taka fullt tillit til greiðslna frá Tryggingastofnun (TR) þegar örorkulífeyrir frá sjóðnum er reiknaður. Áhrifin á örorkugreiðslur frá Gildi eru mismunandi hjá hverjum og einum. Stærstur hluti þeirra sem fá örorkugreiðslur frá sjóðnum verður ekki fyrir áhrifum, en ef greiðslur breytast verður viðkomandi sjóðfélaga tilkynnt um það sérstaklega.
Breytingin mun ekki hafa áhrif á örorkulífeyrisgreiðslur frá sjóðnum til sjóðfélaga nema í þeim tilfellum þar sem heildartekjur viðkomandi eru nú hærri en þær voru fyrir örorku.
Af hverju þessar breytingar?
Fellt hefur verið úr gildi ákvæði í lögum sem bannaði lífeyrissjóðum að horfa til almennra hækkana á tekjum frá TR þegar örorkulífeyrisgreiðslur eru reiknaðar. Þar með gilda nú almennar reglur lífeyrissjóðslaga og samþykkta lífeyrissjóðsins um útreikning örorkulífeyris.
Hvenær og hvernig?
Tekjuathugun er framkvæmd ársfjórðungslega og horfir til meðaltekna 12 mánuði aftur í tímann. Í tekjuathugun fyrir greiðslu örorkulífeyris í desember 2025 getur þessi breyting haft áhrif og verður síðan innleidd ársfjórðungslega á næstu 12 mánuðum þar til fullt tillit er tekið til tekna frá TR.
Frekari upplýsingar?
Sjóðfélagar sem verða fyrir áhrifum eru hvattir til þess að hafa samband við sjóðinn varðandi frekari upplýsingar ásamt því að uppfæra tekjuáætlun sína hjá TR.
Ítarlegar upplýsingar um breytinguna, áhrif hennar og ástæður, má finna hér:
Gildi is now required to fully take into account payments from the Social Insurance Administration (TR) when calculating disability pension payments from the fund. The impact on disability payments from Gildi varies from individual to individual. Most members receiving disability payments from the fund will not be affected, but if payments change, the member in question will be notified specifically.
This change will not affect disability pension payments from the fund unless the individual’s total income is now higher than it was before becoming disabled.
A provision in the law that prohibited pension funds from considering general increases in income from TR when calculating disability pension payments has been repealed. As a result, the general rules of the Pension Fund Act and the fund’s own regulations now apply to the calculation of disability pensions.
Income assessment is conducted quarterly and is based on the average income over the preceding 12 months. This change may affect the income assessment for disability pension payments in December 2025 and will then be implemented quarterly over the next 12 months until full consideration is given to income from TR.
Members who are affected are encouraged to contact the fund for more information and to update their income estimates with TR.