Nýtt skipurit var kynnt innan sjóðsins í síðustu viku og hefur það þegar tekið gildi. Markmiðið með nýju skipuriti er að styðja við fyrirliggjandi áherslur og framtíðaráætlanir Gildis og stuðla að bættri þjónustu við sjóðfélaga.

Á sjóðfélaga- og fulltrúaráðsfundi Gildis, sem fram fór á Grand Hótel Reykjavík í gær, þann 12. nóvember, var m.a. farið yfir ávöxtun, rekstur og stöðu sjóðsins á árinu sem og þróun á mörkuðum.

Gildi-lífeyrissjóður stendur fyrir opnum sjóðfélaga- og fulltrúaráðsfundi þriðjudaginn 12. nóvember klukkan 17.00 á Grand Hótel Reykjavík. Á fundinum verður farið yfir stöðu og starfsemi Gildis á árinu 2024 auk þess sem fjallað verður um valkosti í séreignarsparnaði.

Stjórn Gildis hefur ákveðið að lækka óverðtryggða breytilega vexti sjóðfélagalána um 0,15%. Eftir lækkunina verða óverðtryggðir breytilegir vextir grunnlána 10,20% og viðbótarlána 10,95%. Kjör verðtryggðra vaxta taka ekki breytingum að þessu sinni.

Í fjárlagafrumvarpi ríkisstjórnarinnar fyrir næsta ár er lagt til að framlag til jöfnunar á örorkubyrði almennra lífeyrissjóða verði lækkað um 4,7 milljarða króna og að það verði afnumið að fullu árið 2026. Að óbreyttu mun það leiða til skerðingar á lífeyrisréttindum sjóðfélaga nokkurra lífeyrissjóða, þar á meðal Gildis-lífeyrissjóðs.

Stjórn Gildis hefur ákveðið að hækka vexti breytilegra verðtryggðra sjóðfélagalána um 0,40% og vexti fasta verðtryggðra lána um 0,30%. Eftir hækkunina verða vextir breytilegra verðtryggðra grunnlána 4,0% og viðbótarlána 4,75%. Fastir vextir verðtryggðra sjóðfélagalána verða 4,10% og viðbótarlána 4,85%.

Um áttatíu manns sátu ársfund Gildis-lífeyrissjóðs 2024 sem fram fór Hótel Reykjavík Grand miðvikudaginn 24. apríl klukkan 17:00. Á fundinum kom m.a. fram að heildareignir Gildis í árslok 2023 námu tæplega 992 milljörðum króna en þær voru ríflega 913 milljarðar í byrjun ársins. Þrátt fyrir um margt erfiðar markaðsaðstæður á árinu var hrein nafnávöxtun samtryggingardeildar sjóðsins 6,7% og hrein raunávöxtun neikvæð um 1,2%.

Ársfundur Gildis-lífeyrissjóðs 2024 verður haldinn miðvikudaginn 24. apríl klukkan 17:00 á Hótel Reykjavík Grand í fundarsalnum Háteig. Allir sjóðfélagar eiga rétt til setu á ársfundinum með málfrelsi og tillögurétti.

Hrein eign Gildis-lífeyrissjóðs í árslok 2023 nam samtals 991,9 milljörðum króna og jókst um 78,6 ma.kr. á milli ára. Hrein nafnávöxtun samtryggingardeildar var 6,7% samkvæmt ársuppgjöri sjóðsins sem þýðir að hrein raunávöxtun var -1,2%.

Gildi-lífeyrissjóður óskar eftir tilboðum í ytri endurskoðun sjóðsins. Um er að ræða almennt útboð í skilningi laga nr. 65/1993, um framkvæmd útboða.

Tekin hefur verið ákvörðun um að hámarks veðhlutfall sjóðfélagalána hjá Gildi verði lækkað í 70% en hámarkið hefur verið 75% síðustu ár. Eftir breytinguna, sem hefur þegar tekið gildi, geta sjóðfélagar sótt um grunnlán hjá sjóðnum með allt að 60% veðhlutfalli og viðbótarlán upp að 70% veðhlutfalli.

Gildi er einn þeirra 12 lífeyrissjóða sem hefur ritað undir samkomulag um stuðning ríkissjóðs vegna húsnæðislána til einstaklinga í Grindavík. Með samkomulaginu tekur ríkissjóður að sér að greiða yfir sex mánaða tímabil áfallna vexti og verðbætur af sjóðfélagalánum einstaklinga vegna fasteigna þeirra í Grindavík.

Gildi-lífeyrissjóður birtir nú í fyrsta skipti á vef sínum ítarlega samantekt um framkvæmd hluthafastefnu sjóðsins á árinu 2023 og hvernig Gildi beitti sér sem hluthafi í skráðum félögum.

Stjórn Gildis hefur ákveðið að hækka vexti breytilegra verðtryggðra sjóðfélagalána um 0,50% og vexti fasta verðtryggðra lána um 0,35%.

Davíð Rúdólfsson tók um áramótin við stöðu framkvæmdastjóra Gildis-lífeyrissjóðs af Árna Guðmundssyni. Um leið tók Rósa Björgvinsdóttir við stöðu forstöðumanns eignastýringar Gildis og Árni Hrafn Gunnarsson yfirlögfræðingur var gerður að staðgengli framkvæmdastjóra.

Niðurstaða álitsgerðar LEX, sem unnin var fyrir Gildi-lífeyrissjóð vegna sjóðfélagalána í Grindavík er afdráttarlaus sú að lífeyrissjóðum sé ekki heimilt að afskrifa vexti og verðbætur með almennum hætti hjá lántökum. Sjóðnum er heimilt að taka til sérstakrar skoðunar einstaklingsbundnar aðstæður. Í því sambandi er bent á að lífeyrissjóðum er óheimilt að ráðstafa fjármunum í öðrum tilgangi en að greiða lífeyri.

Í kjölfar hamfaranna í Grindavík hefur á mörgum sviðum samfélagsins þurft að bregðast við þeim aðstæðum sem blasa við íbúum í bænum. Gildi-lífeyrissjóður brást strax við í kjölfar hamfaranna og kynnti 22. nóvember fyrir lántakendum sjóðsins í Grindavík möguleikann á að fresta greiðslum í allt að sex mánuði. Starfsfólk lánadeildar Gildis hefur verið í sambandi við lántakendur í Grindavík undanfarnar vikur til að fara yfir stöðu mála og kynna þau úrræði sem sjóðurinn býður lántakendum upp á.

Vegna fjölmiðlaumræðu síðustu daga um mótmæli á skrifstofu Gildis og viðbrögð við þeim vill sjóðurinn að gefnu tilefni koma eftirfarandi upplýsingum á framfæri. Bréf það sem sent var til stjórnar VR um framgöngu formanns félagsins í málinu var ekki ætlað til opinberrar birtingar. Í ljósi þess að efni þess er komið í opinbera umræðu telur sjóðurinn hins vegar rétt að gera það aðgengilegt í heild sinni.

Vegna bilunar eru upplýsingar úr lífeyrisgátt óaðgengilegar á sjóðfélagavef Gildis í augnablikinu.