Gildi lífeyrissjóður metur þessa dagana áhrif dóms Hæstaréttar þar sem fjallað var um skilmála lána Íslandsbanka, en ljóst er að sú vinna mun taka nokkurn tíma. Á meðan mun sjóðurinn ekki veita sjóðfélagalán með breytilegum vöxtum – hvorki verðtryggð né óverðtryggð.
Sjóðfélögum mun áfram standa til boða verðtryggð lán með föstum vöxtum.
Nánari upplýsingar um stöðu mála verða birtar á vef sjóðsins um leið og þær liggja fyrir. Sjóðfélagar eru beðnir velvirðingar á þeim óþægindum sem þetta kann að valda.