5. desember 2024
Breytingar á vöxtum sjóðfélagalána Gildis
Stjórn Gildis hefur ákveðið að lækka óverðtryggða vexti sjóðsins um 0,3% frá og með 5. janúar næstkomandi. Á sama tíma hækka verðtryggðir breytilegir vextir sjóðfélagalána um 0,3%. Enn fremur var ákveðið að hækka verðtryggða fasta vexti sjóðsins um 0,2%. Sú hækkun hefur þegar tekið gildi.
Breytingin verður að fullu komin til framkvæmda 5. janúar 2025 og þá mun vaxtatafla sjóðsins líta svona út:
| Grunnlán | Viðbótarlán | |
|---|---|---|
| (allt að 60% veðhlutfall) | (60-70% veðhlutfall) | |
| Verðtryggð – fastir vextir | 4,30% | 5,05% |
| Verðtryggð – breytilegir vextir | 4,30% | 5,05% |
| Óverðtryggð – breytilegir vextir | 9,90% | 10,65% |