Gildi - fyrir þig.

Gildi - lífeyrissjóður var stofnaður 1. júní 2005 við sameiningu Lífeyrissjóðsins Framsýnar og Lífeyrissjóðs sjómanna. Markmið sameiningarinnar er að tryggja sjóðfélögum þau bestu lífeyrisréttindi sem kostur er á með betri áhættudreifingu sjóðfélaga á atvinnugreinar, öflugri áhættustýringu og ávöxtun iðgjalda svo og hagkvæmari rekstri. Við sameininguna runnu saman tveir lífeyrissjóðir af svipaðri stærð, hvor um sig með framúrskarandi árangur í ávöxtun undanfarin ár, lág kostnaðarhlutföll og mismunandi skiptingu sjóðfélaga.

Gildi - lífeyrissjóður er þriðji stærsti lífeyrissjóður landsins með um 40.000 greiðandi sjóðfélaga og 178.000 einstaklinga sem eiga réttindi hjá sjóðnum. Hrein eign til greiðslu lífeyris 31. desember 2009 var 227 milljarðar. Hjá sjóðnum starfa 22 starfsmenn með langa starfsreynslu og mikla þekkingu.