Hrein eign Framtíðarsýnar 1 nam ríflega 3,3 milljörðum króna í árslok 2023. Eignir deildarinnar þróuðust með eftirfarandi hætti á árinu 2023 (í milljónum króna).
Hér fyrir neðan má finna helstu upplýsingar um ávöxtun, eignasamsetningu og fjárfestingastefnu Framtíðarsýnar 1.
Ítarlegar upplýsingar má finna í ársskýrslum sjóðsins sem hægt er að nálgast hér.
Hrein nafnávöxtun Framtíðarsýnar 1 var 5,7% á árinu 2023 eða sem nemur -2,1% hreinni raunávöxtun. Fimm ára meðalraunávöxtun nemur nú 2,6% en 3,3% sé horft til síðustu tíu ára.
Í Framtíðarsýn 1 eru 35% safnsins að jafnaði í hlutabréfum og 65% í skuldabréfum. Þegar stór hluti safnsins er bundinn í hlutabréfum má búast við meiri sveiflum í ávöxtun en um leið er vænt ávöxtun hærri til lengri tíma litið.
Verðbréfaflokkur | Eignir 31.12.2023 | Stefna 2024 | Heimilað frávik - lágmark | Heimilað frávik - hámark |
---|---|---|---|---|
Skuldabréf | 56,5% | 65,0% | 55,0% | 75,0% |
- Innlán | 1,1% | 1,0% | 0,0% | 15,0% |
- Skuldabréf með ábyrgð ríkisins | 19,3% | 21,0% | 10,0% | 65,0% |
- Skuldabréf banka og sparisjóða | 16,7% | 18,0% | 0,0% | 26,0% |
- Veðskuldabréf | 0,0% | 0,0% | 0,0% | 10,0% |
- Skuldabréf sveitarfélaga | 4,7% | 6,0% | 0,0% | 10,0% |
- Skuldabréf fyrirtækja | 14,5% | 18,0% | 0,0% | 24,0% |
- Erlend skuldabréf | 0,1% | 1,0% | 0,0% | 15,0% |
Hlutabréf | 43,5% | 35,0% | 25,0% | 45,0% |
- Innlend hlutabréf | 20,0% | 16,0% | 0,0% | 25,0% |
- Erlend hlutabréf | 23,4% | 19,0% | 10,0% | 40,0% |
Samtals | 100% | 100% |
Verðbréfasafn Framtíðarsýnar 1 samanstendur af fjölda eigna sem skiptast í eftirfarandi flokka í árslok 2023.