Ársfundur Gildis-lífeyrissjóðs 2025 verður haldinn fimmtudaginn 10. apríl klukkan 17:00 á Hótel Reykjavík Natura. Allir sjóðfélagar eiga rétt til setu á fundinum.

Tillögur til ályktunar, sem taka á fyrir á ársfundi, þurfa að berast stjórn sjóðsins eigi síðar en viku fyrir ársfund.

Ársreikningur Gildis-lífeyrissjóðs fyrir árið 2024 hefur nú verið birtur hér á vefnum. Í reikningnum má finna ítarlegar upplýsingar um ávöxtun, rekstur og eignasafn Gildis í árslok 2024 og þróun frá fyrra ári.

Ráðgjafar 18 lífeyrissjóða og viðræðunefnd fjárlaga- og efnahagsráðherra hafa komist að niðurstöðu um að leggja fyrir fund skuldabréfaeigenda tillögu að uppgjöri HFF-bréfa sem greiða mun fyrir slitum ÍL-sjóðs.

Uppgjör Gildis-lífeyrissjóðs vegna ársins 2024 liggur nú fyrir en það sýnir að afkoma ársins var afar hagstæð fyrir sjóðfélaga. Hrein nafnávöxtun samtryggingardeildar var 11,8% og raunávöxtun var 6,7%. Enn fremur var ávöxtun allra fjárfestingaleiða sjóðsins jákvæð.

Ef lán frá Gildi sjást ekki með augljósum hætti í skattframtali þá þarf að fara undir „sundurliðunarblað“, merkja viðeigandi lán og færa þau þaðan yfir í framtalið.

Stjórn Gildis hefur ákveðið að lækka óverðtryggða vexti sjóðsins um 0,4%. Breytingin tekur gildi frá og með 24. mars næstkomandi. Verðtryggðir vextir sjóðsins taka ekki breytingum að þessu sinni.

Tekin hefur verið ákvörðun um að loka skrifstofu Gildis-lífeyrissjóðs á Ísafirði 31. mars næstkomandi. Ákvörðuninni fylgja ekki upp­sagn­ir. Gildi bendir sjóðfélögum á stafrænar þjónustuleiðir sjóðsins þar sem nálgast má helstu þjónustuþætti.

Vakin er athygli á að Gildi-lífeyrissjóður leitar að einstaklingum sem hafa áhuga á stjórnarsetu í hlutafélögum með stuðningi sjóðsins. Bæði er auglýst eftir áhugasömu fólki til að sitja í stjórnum félaga sem skráð eru í Kauphöll Íslands sem og í stjórnum óskráðra félaga þar sem sjóðurinn er meðal stærstu hluthafa.

Fimmtudaginn 6. febrúar verða skrifstofur Gildis-lífeyrissjóðs lokaðar vegna veðurs til hádegis eða þar til veðrið hefur gengið niður. Fyrirspurnum í síma og í tölvupósti verður svarað þrátt fyrir lokunina.

Click to see information in English.

Skrifstofur Gildis-lífeyrissjóðs verða lokaðar kl 14:30, miðvikudaginn 5 febrúar vegna veðurs.

Gildi hefur birt skýrslu um framkvæmd hluthafastefnu 2024 þar sem farið er yfir hvernig sjóðurinn hefur reynt að hafa jákvæð áhrif á áherslur og stjórnarhætti þeirra félaga sem hann fjárfestir í. Þar er einnig rakið hvernig sjóðurinn hyggst beita sér á árinu 2025.

Vegna fjölmargra frídaga yfir hátíðarnar er rétt að vekja athygli á að þeir sem fá lífeyrisgreiðslur eftir á fá greitt út mánudaginn 30. desember.

Þeir sem fá lífeyri greiddan fyrir fram fá greiðslu fimmtudaginn 2. janúar.

Alþingi hefur samþykkt að framlengja heimild til skattfrjálsrar nýtingar séreignarsparnaðar inn á höfuðstól fasteignaláns til 31. desember 2025. Heimild til skattfrjálsrar nýtingar á uppsöfnuðum séreignarsparnaði við öflun íbúðarhúsnæðis til eigin nota var einnig framlengd út næsta ár.

Stjórn Gildis hefur ákveðið að lækka óverðtryggða vexti sjóðsins um 0,3% frá og með 5. janúar næstkomandi. Á sama tíma hækka verðtryggðir breytilegir vextir sjóðfélagalána um 0,3%. Enn fremur var ákveðið að hækka verðtryggða fasta vexti sjóðsins um 0,2%. Sú hækkun hefur þegar tekið gildi.

Nýtt skipurit var kynnt innan sjóðsins í síðustu viku og hefur það þegar tekið gildi. Markmiðið með nýju skipuriti er að styðja við fyrirliggjandi áherslur og framtíðaráætlanir Gildis og stuðla að bættri þjónustu við sjóðfélaga.

Á sjóðfélaga- og fulltrúaráðsfundi Gildis, sem fram fór á Grand Hótel Reykjavík í gær, þann 12. nóvember, var m.a. farið yfir ávöxtun, rekstur og stöðu sjóðsins á árinu sem og þróun á mörkuðum.

Gildi-lífeyrissjóður stendur fyrir opnum sjóðfélaga- og fulltrúaráðsfundi þriðjudaginn 12. nóvember klukkan 17.00 á Grand Hótel Reykjavík. Á fundinum verður farið yfir stöðu og starfsemi Gildis á árinu 2024 auk þess sem fjallað verður um valkosti í séreignarsparnaði.

Stjórn Gildis hefur ákveðið að lækka óverðtryggða breytilega vexti sjóðfélagalána um 0,15%. Eftir lækkunina verða óverðtryggðir breytilegir vextir grunnlána 10,20% og viðbótarlána 10,95%. Kjör verðtryggðra vaxta taka ekki breytingum að þessu sinni.

Í fjárlagafrumvarpi ríkisstjórnarinnar fyrir næsta ár er lagt til að framlag til jöfnunar á örorkubyrði almennra lífeyrissjóða verði lækkað um 4,7 milljarða króna og að það verði afnumið að fullu árið 2026. Að óbreyttu mun það leiða til skerðingar á lífeyrisréttindum sjóðfélaga nokkurra lífeyrissjóða, þar á meðal Gildis-lífeyrissjóðs.