Fyrirkomulag

Tilgreind séreign er önnur tegund séreign­ar­sparn­aðar en áður hefur boðist og um hana gilda aðrar reglur. Í 22. gr. samþykkta Gildis-lífeyr­is­sjóðs er að finna ákvæði sem gilda um tilgreinda séreign.

• Allt viðbótar­ið­gjaldið fer í samtrygg­ing­ar­deild nema sjóð­fé­lagi óski eftir að því verði ráðstafað í tilgreinda séreign.
• Mikil­vægt er að sjóð­fé­lagar geri sér grein fyrir að rétt­indi í samtrygg­ing­ar­deild geta falið í sér verðmæt trygg­inga­rétt­indi.
• Með ráðstöfun iðgjalds í tilgreinda séreign ávinnst ekki, hvað þau iðgjöld snertir, réttur til ævilangs elli­líf­eyris, né örorku- og maka­líf­eyris með fram­reikn­ingi heldur byggir sjóð­fé­lagi upp sjóð sem er séreign viðkom­andi.
• Sjóð­fé­lagi þarf að taka upplýsta ákvörðun um ráðstöfun iðgjalds og tilkynna sínum lífeyr­is­sjóði um ráðstöfun iðgjaldsins.
• Sjóð­fé­lagi má hvenær sem er breyta því hvernig hann ráðstafar iðgjaldi umfram 12%.
• Sjóð­fé­lagar í Gildi geta valið um þrjár mismun­andi fjár­fest­ing­ar­leiðir.
• Hægt er að taka út tilgreindan séreign­ar­sparnað frá 62 ára aldri .
• Tilgreindan séreign­ar­sparnað er ekki heimilt að nota til að safna skatt­frjálst til húsnæð­is­kaupa eða til að greiða skatt­frjálst niður húsnæð­islán.
• Tilgreind séreign erfist.