Helstu kostir
Skattalegt hagræði
Greiðslur í séreignarsparnað eru dregnar frá launum fyrir skatt. Útborguð laun lækka því nokkru minna en nemur þeirri fjárhæð sem lögð er í sparnaðinn, þar sem skatturinn er greiddur við úttekt hans. Þá er ekki greiddur fjármagnstekjuskattur af ávöxtun.
Mótframlag frá launagreiðanda
Enginn ætti að láta mótframlag launagreiðanda ganga sér úr greipum, enda felst hrein launauppbót í því sem nemur þessum 2%. Launagreiðandi sér um alla umsýslu eftir að gengið hefur verið frá samningi um séreignarsparnað.
Aukið ráðstöfunarfé á efri árum
Við starfslok má ætla að ráðstöfunartekjur lækki og þá er gott að geta gripið til séreignarsparnaðarins til að hækka þær.
Sparnaðurinn erfist
Séreignarsparnaður er séreign viðkomandi sem erfist að fullu til lögerfingja og skiptist milli þeirra eftir reglum erfðalaga.
Sveigjanleg ráðstöfun
Frá 60 ára aldri er hægt að taka alla inneign út í einu, fá reglubundnar greiðslur eða stakar þegar þörf krefur.
Skerðir ekki tilteknar greiðslur frá hinu opinbera
Séreignarsparnaður hefur ekki áhrif á ellilífeyri og tekjutryggingu frá almannatryggingum og skerðir ekki barnabætur, vaxtabætur eða atvinnuleysisbætur.
Stuðningur til kaupa á fyrstu fasteign
Nýta má skattfrjálst séreign sem komin er til eftir 1. júlí 2014, að ákveðnum skilyrðum uppfylltum. Til þessa má verja sparnaði á samfelldu 10 ára tímabili, þó að hámarki 500 þúsund krónum á ári. Útgreiðsla vegna fasteignakaupa.
Séreign má nýta skattfrjálst
Greiða má skattfrjálst séreign inn á höfuðstól húsnæðislána til 30. júní 2019. Þeir sem ekki eiga fasteign geta nýtt séreignina sína með sambærilegum hætti til útborgunar vegna fasteignakaupa. Gildir sú ráðstöfun um þann sparnað sem lagður hefur verið fyrir frá 1. júlí 2014 og til 30. júní 2019. Séreign inn á lán.