Gildir í 10 ár samfellt og umsækjandi velur upphafstíma. Úrræðið er þríþætt.
- Heimilt er að ráðstafa séreignarsparnaði sem hefur safnast upp á tilteknu tímabili til kaupa á fyrstu fasteign.
- Heimilt er að ráðstafa séreignarsparnaði inn á fasteignalán sem tryggt er með veði í fyrstu íbúð og sem tekið var vegna kaupanna.
- Heimilt er að ráðstafa séreignarsparnaði til afborgunar á óverðtryggðu láni og inn á höfuðstól láns sem tryggt er með veði í húsnæðinu.
- Ráðstöfunin er skattfrjáls.
- Hámarksfjárhæð á ári er 500.000 kr. á einstakling. Hámark 4% frá launþega og 2% frá launagreiðanda.
- Framlag einstaklings þarf að vera a.m.k. jafn hátt framlagi launagreiðanda.
- Rétthafi verður að eiga a.m.k. 30% eignarhlut í íbúðarhúsnæðinu og mega kaupendur ekki vera fleiri en tveir.
- Lögin gilda frá 1. júlí 2017. Þó er heimilt að nýta séreignarsparnað sem safnast hefur upp frá 1. júlí 2014 til kaupa á fyrstu fasteign.
- Einstaklingar sem keyptu sína fyrstu fasteign á tímabilinu 1. júlí 2014 til og með 30. júní 2017 og greiða séreignarsparnað inn á höfuðstól láns samkvæmt fyrri heimild geta sótt um þetta úrræði vegna fyrstu fasteignar en verða að sækja um það fyrir árslok 2017. Tímabilið sem þegar hefur verið nýtt dregst þá frá 10 ára samfellda tímabilinu.
- Umsóknum skal beint rafrænt til ríkisskattstjóra.