Breytingar í starfi

Þegar þú skiptir um vinnu kann aðild þín að lífeyrissjóði einnig að breytast. Í mörgum kjara- eða ráðningarsamningum er kveðið á um aðild að tilteknum lífeyrissjóði. Ef ekki er um slíkt að ræða má viðkomandi velja sér lífeyrissjóð eftir því sem reglur þeirra leyfa.

Þetta á þó ekki við um séreignarsparnað sem er á ábyrgð hvers og eins. Þú þarft því að hafa samband við vörsluaðila til að tryggja að séreignargreiðslur haldi sér á milli vinnuveitenda. Mjög mikilvægt er að tryggja að greitt sé áfram í séreignarsparnað enda eitt hagstæðasta sparnaðarform sem völ er á og jafngildir í reynd 2% launahækkun vegna mótframlags vinnuveitanda.

Hafir þú ekki þegar hafið söfnun séreignarsparnaðar er skynsamlegt að gera slíkt hið fyrsta.