Úrræði og upplýsingar vegna COVID-19

Lokað er fyrir allar heimsóknir viðskiptavina á skrifstofur Gildis vegna útbreiðslu Covid-19 en starfsfólk sinnir áfram verkefnum sínum og þjónustu við sjóðfélaga. Á meðan á þessari lokun stendur hvetur Gildi sjóðfélaga til að nýta rafræna þjónustu og leita upplýsinga í síma.

Sjóðfélagar geta nálgast upplýsingar um réttindi sín hjá sjóðnum, stöðu lána og fleira á sjóðfélagavef og þar er einnig hægt að sækja um lífeyri, lán og aðra þá þjónustu sem Gildi býður upp á. Launagreiðendur geta fundið ýmiskonar upplýsingar um stöðu sína á launagreiðendavef.

Starfsfólk einstakra deilda svarar enn fremur fyrirspurnum sem berast í tölvupósti. Netföng deilda eru:

• Lífeyrir: lifeyrir@gildi.is
• Lán: lan@gildi.is
• Séreignardeild: sereign@gildi.is
• Iðgjöld: idgjold@gildi.is

Fyrirspurnir um önnur mál má senda á netfangið gildi@gildi.is

Vakin er athygli á að hægt er að koma pappírum til starfsfólks í póstkassa að Guðrúnartúni 1, en póstkassinn er merktur sjóðnum. Hægt er að ná í starfsfólk Gildis í síma 515-4700 frá 09.00 til 16.00 mánudaga til fimmtudaga og 09.00 til 15.00 á föstudögum.

Þau skjöl nauðsynlegt er að skrifa undir á pappír, svo sem lánaskjöl, eru nú send viðskiptavinum sjóðsins í pósti til undirritunar. Að undirritun lokinni þarf viðskiptavinurinn að koma þeim aftur til sjóðsins, annað hvort með því að senda skjölin í pósti eða skila þeim í póstkassann sem nefndur er hér að ofan.

Úttekt á séreignarsparnaði

Alþingi hefur nú samþykkt að opna tímabundið fyrir úttektir á séreignarsparnaði en það er eitt af þeim úrræðum sem gripið hefur verið til vegna útbreiðslu COVID-19 veirunnar. Útfærslan er eftirfarandi:

• Hámarksúttekt fyrir einstakling er 12 milljónir króna.
• Hámarksgreiðsla á mánuði er 800.000 krónur.
• Tekjuskattur er innheimtur af greiðslum úr séreignarsjóði.
• Heimildin gildir frá 1. apríl 2020 til 1. janúar 2021
• Umsóknir sem berast fyrir 19. hvers mánaðar greiðast út um næstu mánaðamót.
• Ath. að heimildin nær ekki til tilgreindrar séreignar

Vakin er athygli á að sjóðfélagar geta nálgast upplýsingar um inneign sína í séreignardeild sjóðsins á sjóðfélagavef. Hægt er að sækja um útgreiðslu séreignarsparnaðar á eftirfarandi hátt:

• Rafræn umsókn um útgreiðslu séreignarsparnaðar (krefst rafrænna skilríkja).
• PDF umsókn (sendist undirritað í tölvupósti á netfangið sereign@gildi.is)

Upplýsingar um lánamál

Eins og fram hefur komið mun Gildi koma til móts við þá sem tekið hafa lán hjá sjóðnum og sjá fram á erfiðleika við að standa í skilum vegna útbreiðslu COVID-19 veirunnar og verður svigrúm veitt eftir því sem lög og reglur heimila.

Nú er hægt að sækja um greiðslufrest á eftirfarandi hátt:

• Rafræn umsókn (krefst rafrænna skilríkja). Veljið lán og „Umsókn um greiðslufrest“
• PDF skjal. Fyllið út og sendið á netfangið lan@gildi.is

Vakin er athygli á að eftirfarandi kostnaður getur fylgt umsókn um greiðslufrest.

• Skjalagerðargjald kr. 3.000
• Veðbandayfirlit kr. 1.200
• Þinglýsingargjald kr. 2.500
• Sendingarkostnaður til Íslandsbanka kr. 950

Ath. að sjóðfélagar sem sjá fram á að geta greitt af lánum sínum eru hvattir til að gera það enda verður greiðslum aðeins frestað en þær falla ekki niður. Meðan á greiðslufresti stendur leggjast vextir ofan á höfuðstól sem þýðir að afborganir hækka þegar greiðslufresti lýkur.

Lánadeild Gildis veitir allar frekari upplýsingar. Netfangið er lan@gildi.is.

Sjóðfélagar eru beðnir um að sýna því skilning að afgreiðsla mála hjá lánadeild sjóðsins tekur lengri tíma en venjulega vegna mikils álags. Þetta á sérstaklega við um umsóknir um endurfjármögnun þar sem starfsfólk lánadeildar þarf að setja umsóknir um greiðslufrest og afgreiðslu lána vegna kaupa á fasteignum í forgang.